20150618

逆流的眼淚


在網上看到惡搞創作《勁曲金歌》,第十位歌曲是「逆流淑儀」唱的《順流葉劉》(調寄徐小鳳名曲《順流逆流》),雖然只播了五句,但歌詞已經十分鬼馬:

不知道下屆特首可會是葉劉
只知道舊有掃把不襯我個頭
振英冷酷眼光
共李飛友善笑聲
麒麟批踭嘗透


剛聽完這首勁曲,電腦螢幕一轉,竟然看到「逆流淑儀」在鏡頭前哽咽發言!只見她先用手去抹眼,後來有人遞給她紙巾,她又再抹。其實呢,至少我就看不到她有甚麼眼淚 --- 如果不是在誇張演戲,就一定是眼淚逆流;我不敢肯定,結論是:屬疑。

不過,最耐人尋味的,還是她究竟為何而飲泣?是因為政改方案被否決了嗎?可是,她明明說了早知不夠票數通過;既然早知,心理上應該一早適應了,怎會那麼容易想起便激動?

是因為她個人失去了投票的機會嗎?既然投了也不會夠票數通過,她投不投,也沒有實質影響;失去了這樣的投票的機會,有甚麼好傷心呢?

也許她說的失去了投票的機會,指的是建制派那三十多位議員;她傷心的,不是政改方案被否決,而是政改方案以高票被否決,建制派敗得十分「肉酸」。如果這是她傷心的理由,那麼,她不但是忠心耿耿的建制派,而且同理心也異常的強。

然而,最有可能、也最合人之常情的,是「逆流淑儀」乃為自己而傷心 --- 她現在這樣跟大隊「蝦碌」,哪還有機會當特首?她在哽咽「露真情」之前說的,是「中央政府一定很失望,我自己都好難過」;最合理的解讀是:「中央政府一定對我很失望,我自己因此都好難過。」

「逆流淑儀」大概是一廂情願了,六十幾歲人,你不如早早去享清福,不要再在這裏獻世了。

45 則留言:

  1. 英殖年代香港之天子門生
    學而優則仕
    之後又赴美參學
    惜也未能打入美國白人最尖端高貴之小圈子
    否則身懷英美兩地之法脈
    應可去英美之名牌大學掛單
    不愁寂寞

    回覆刪除
  2. 立法會議員每一個人應是獨立個體應有自己獨立分析能力,假如因同一政黨而永遠習體行動,就助長了護短狼狽為奸風氣。That said,同一政黨就不能一致行動?當然不是。當大家集合資料有商有量詳細分析,思考後理念結論相同,就自然能行動一致。

    今次政改投票,林某葉某譚某在幾秒內要全體建制派議員離場,明示什麼?建制派員全無獨立思考,機械式聽命黨[領導]。得出此結論的關鍵是時間,幾秒鐘你如何能思考分析再作出決定?幾秒只夠你 follow order,唉!建制派只識聽令不是秘密,但寧俾人知莫俾人見吖嘛,仲要响700萬港人面前赤裸裸公告天下。。。

    葉劉未至於蠢到相信自己有機會做特首,她的價值在做陪跑。她可能得到什麼好處?WHO 陳女仕如何當選主席的?靠大量小國投票。。。嘿。

    回覆刪除
  3. 我雖然亦認為葉劉是做戲俾阿爺睇,但我不認為文中理據一定正確。我如果有一議題 I feel very strongly about,即使我明知我一票不會改變結局,但如果我投不成票,我也會痛心,不過淚流滿面就做唔出。。。。投了票,表示我盡了力。It's a matter of principle。

    回覆刪除
    回覆
    1. 文中理據如果唔正確,係咪葉劉其實係好似你咁認為 “投了票,表示我盡了力。It's a matter of principle” 呢又?

      刪除
    2. 首先,我爽快直接話你知唔使你又懶得戚嚟估妖見魔,我並不認為凡建政派皆可惡凡泛民皆可親,我只看某人言行及其對議題的觀點是否跟我理念相同而決定是否支持。即在我選區我絕對有可能選溫和建制派。

      That said,民主意思是接受別人跟你政見不同。反過來說,假如政改只需半數就可通過,建制派是穏操勝券,泛民假如某些原因全體錯過了投反對票而讓政改在歷史紀錄下一面倒通過,長毛涙訴悲憤,你反應如何?

      葉劉選擇樣樣支持共產黨,那是她的權利,你若攻擊她此權,就表示你根本就支持共產黨的[哲學]。所以葉劉若真心相信政改理念,那她悲痛,有什麼問題?我選擇不信她,是因為她戲太差,而她一貫言行令我反感,她所支持多數議題是我所反對的,所以我見佢前面憎佢後面,那是我個人主觀,並不影響她發言權。。。

      刪除
    3. 乜香港仲有"温和"的 jian ji 派咩?

      刪除
    4. 你認為冇(溫和建制派)全天下要同意?唓!

      是否支持政改不是 black and white issue,別人支持政改,我可以理解。我其實對[袋住先]沒所謂,假如中共肯白紙黑字承諾某年會有真普選,那我會支持政改方案。我現在不支持政改,是因為沒有起碼的公開非常 specific 的[承諾],這袋住先會袋一世。

      別和我拗共產黨的任何法律承諾不可信,我選擇有限度的信。你不信我沒攻擊你,這,就是民主。

      刪除
    5. 假如中共肯白紙黑字承諾...
      are you living in this planet?

      刪除
    6. 我重覆,你不信沒問題。民主是容許別人信。

      刪除
    7. Al Qaeda, ISIS 不是恐怖份子,是救世主。
      我重覆,你不信沒問題。民主是容許別人信。

      刪除
    8. 信與現實是兩回事。

      刪除
    9. 信與現實是兩回事呀Horai。


      刪除
    10. ISIS 的害是什麼?它的行為呀!那你要針對 specific 行為來人神共憤。

      美國有做過人神共憤行為嗎?當然有。我們亦要針對行為來義憤填膺。

      中共有做過人神共憤行為嗎?多不勝數。我們亦要針對行為來義憤填膺。

      那就表示泛民永遠對?建制永遠錯?不能以議題來以事論事?如此思想,不配稱明白民主真正意思。

      刪除
    11. 我坦白公告,我絕不支持激進派。我現階段只支持香港有民主,不支持中國有民主,因為中國國民質素未達標可以善用民主。我的主觀我認,而我亦會以此投我的一票。你如何投你自己一票適隨尊便。這,就是民主。

      刪除
    12. 民主不是要大眾投你自己支持之政黨而去謾罵不支持之人。

      政治公眾人物,食得咸魚低得渴,被人評擊是意料中事,it's in the job description。但公眾中選擇支持或反對者是個人自由權利,their choices are off limits(to criticisms),only their conducts are subject to reproaches。Geeze。

      刪除
    13. ISIS 沒害我, 所以不是恐怖組織。
      養雞佬阻住我發財,所以萬惡不赦。
      犯民永不可錯,jian ji 永不必須對,這就是民主!

      刪除
    14. 中國冇民主,香港可能都難會有真民主。因為香港現已回歸在中共統治之下,當統治者係獨裁嘅時候,佢又點會有民主俾到你?
      肯俾你嘅最多都只係假嘢,即係依家被否決嘅「普選」。
      當統治你嘅人係獨裁者,你問獨裁者想要民主同問和尚嗱梳有咩分別?

      唔信可以睇下以前嘅蘇聯--依家嘅俄國:以前蘇共係一黨專制獨裁,匈牙利,捷克等想要自由民主,蘇共一夜之間就出動數百上千架坦克車去到當地鎮壓;即係蘇聯(俄國)冇民主,受俄國管治的東歐諸國就亦都唔會有民主。


      刪除
    15. @匿名(10:56):要中國先有民主,嘿,那你就要無限期押後香港有民主之期。閣下唔介意等,共產黨無任歡迎。

      @匿名(10:34):想榮華富貴咋係嘛?搵長毛喇!有人出價一億呀,你打個折去講數啦趁早。。。

      刪除
    16. 講真,着號碼 T-Shirt 場外撐政改嗰班友邊個出嘅主意呀?炒啦,寒酸成咁!肯出[一億]就好心撥個零頭去做得好好睇睇啦!

      刪除
    17. 何拉耳啊何老二, 10:34 明明係統你個 sea food, 你竟懵然自動趬起個 pat pat (蠢過何秀蘭, 嫻姐呢, 我絕對唔信佢 反應遲鈍)!
      唉, 枉你成日吹自己係神童!? (我信架, 只有神童至可以睇到皇帝的新衣)
      講開長毛一億,班 jian ji 唔駛審梗係眼紅,紛紛向阿爺詐形,阿爺啱啱被班超級富豪放飛機,唔肯再做老襯,佢地咪拉隊離場lo!
      一於叫阿爺踢走晒D剩識認$$$$嘅,換過D温馴嘅 jian ji, 咁你就有得投票, 体驗下民主勒!

      刪除
    18. @匿名(1:18):係?乜[犯民]唔係泛民嘅親暱名咩?我又咁錫長毛,咁匿名(10:34)佢又恨金恨銀,咁點佢搵長毛搭路大家河蟹費富貴,你眼紅都唔使踩人吖。。。

      刪除
    19. 唉,被人拆完祠堂,統埋後庭,居然重喺度叫春,I 服了 U!

      刪除
    20. 你妒恨長毛有路數有人吼,都唔使日有所思用埋哂你生活體驗嘅生動形容詞㗎。

      閣下好似懵過潘兆平。你以為我政治立場係乜?嘿嘿嘿嘿

      刪除
    21. 唔使憨居居挍哂頭喇,我三邊都唔幫(建制,泛民,阿爺),對激進派特別反感,所以我可以寸晒三邊四方。只有蠢人先揀一政黨忠心。玩呀?梗喺逐個議題嚟睇決定支持邊方。唓!

      刪除
    22. 哈哈哈,咪講埋D自己都唔信既嘢啦!邊個唔知上頭一吹雞,你就會做指定動作,絕對唔會自我嘅。
      jian ji 有蠢人?你以為果33+1隻真係豬?你腦囱開咗未呀!怪唔知得你上唔到位lo!
      你真係神童!

      刪除
    23. @匿名(8:09):我明(打眼色)。嗰故仔,吖,唔係,係真相,係:亞爺,吖,唔係,係習太公,有日神靈報夢,話美帝,吖,唔係,係外國勢力,指示[盟友],吖,唔係,係勸喻泛民,俾政改通過因為已部署好利用政改放鬆咗鐵腕少少有機可乘趁你改攞你命。。。習太公於是下旨叫光亞爺執生搞掂佢,光亞爺於是求教於搞號碼 T-Shirt 撐政改嗰位世外神人,神人贈光亞爺四字[等埋發叔]。。。

      不過 shhhhh。。。真相你知我知 +33+8+1 民族英雄知好喇,香港嗰 700 萬隻豬,我哋靜雞雞掩嘴笑。。,

      刪除
    24. 我初初聽嗰[真相版本]都好嬲,咁嚟侮辱香港人智慧都好囂啫!但經匿名(8:09)一貼,我要向[真相故仔]作者致歉!原來作者是真掌握了白痴心態對症下懵仔藥!

      刪除
    25. 神童呀乜你連數字都攪唔清?香港只有120万隻(我諗你唔會咁cheap俾人計埋你)豬。咪一時話I dont care, 一時又700万攬上身!呢D低B手法喺豬欄先至有效架。
      做乜忽然成個喃嘸佬咁,手騰腳震啊?天師上身搵你爆料乎?有冇$$$$收先?有就速袋,咪學長毛自爆咁貢車呀!
      話時話,咪越揭越杰,唔係班jian ji 就好感激你!

      刪除
    26. Horai,
      你噏得就噏咩『ISIS 的害是什麼?它的行為呀!』,但,如果人唔係受到某種極端思想影響洗腦,又點會做出常人唔會做的極端殺人行為呢?

      殺人行為先於思想嘅可以叫做 “誤殺”;殺人行為後於思想嘅叫做 “謀殺”;
      你認為ISIS殘酷殺人係 “誤殺” 定係 “謀殺” ?係思想指導行為還是無思想指導嘅行為?
      ---------------------------------
      『我現階段只支持香港有民主,不支持中國有民主,因為中國國民質素未達標可以善用民主。』
      你嘅『因為中國國民質素未達標可以善用民主。』嘅講法同中共嘅講法係 “不謀而合” 啊,做五毛要背書唔出奇嘅。

      中國統治者嘅邏輯係:點解我唔俾你選舉,要直接由我來管治你呢?
      係因為我係你嘅 “大救星”,你嘅質素 “未達標可以善用民主”,所以我獨裁你做奴係啱嘅。
      當然,做五毛就梗係贊成中共嘅邏輯啦。
      --------------------------------
      『要中國先有民主,嘿,那你就要無限期押後香港有民主之期。閣下唔介意等,共產黨無任歡迎。』
      恭喜你,你證明咗 “袋住先” 等於 “袋一世” 嘅判斷係正確嘅。

      而家否決咗 “袋住先” 係還原番個事實真相,係米俾個假警察著住件真警服來「執法」,借民主嘅外衣來行獨裁之實。


      刪除
    27. @匿名(11:43):(1)咁如果單以思想可以入罪,咁共產黨認為某種思想[危害國家],所以封鎖互聯網/傳媒兼拉人封艇,你支持?

      (2)哦,原來唔支持中國現在呢刻有民主嘅都係五毛。不過冇問題,你喜歡標籤對方以代替[理],我諒解。中國因為13億人,所以要全民提升質素困難+需時,在國民沒有普遍[守法]之精神+完善法制支持下,民主絕對不可能成功。要民主要先建立 infrastructures,從法治精神之教育先做起喇。如果我理由同中共一樣,咁我係咁認為怕乜認?一樣就一樣,唓!

      (3){恭喜你,你證明咗 “袋住先” 等於 “袋一世” 嘅判斷係正確嘅}===》 閣下真係慧眼。嗱,各位呀,你哋如果想正經討論,係咪要起碼睇哂我呢嗰標題下所有留言清楚我講咗啲乜先呀?!咪斬件嚟睇然後左恭喜右恭喜啦,我想低調啲謙都唔得!

      刪除
    28. @匿名(10:39):神算英雄,你數錯豬喇。你既然讚得建制唔蠢, 33+1 係局,咁即美帝陰謀俾光亞爺將軍抽車啦,咁美帝盟友咪求吉得吉而習太公瞓得安安穩穩。。。但全港700萬隻豬仲發緊未來民主大夢呀。。。唓,又係你讚建制派醒嘅!

      我都警告過你我邊方都唔俾面㗎喇。嘿嘿。

      刪除
    29. 天師上身果然威猛,左一刀,右一劈.....唓!全部都係砍自己!
      冇用架,班 jian ji 33 次og 呢個曠古絕今既紀錄,唔係你可以打得破既,點都救唔番架la, 慳D 喇。

      香港七百萬都係豬丶(中央可以俾佢地一?一票)
      大陸十三億就係人!(何老二話佢地唔配有普選....乜人唔係高級過豬咩?)
      神童數學,我真係唔識!

      刪除
    30. @匿名(5:23):{ jian ji 33 次og 呢個曠古絕今既紀錄,唔係你可以打得破既,點都救唔番架la, 慳D 喇。 }=====》 jian ji 有蠢人?你以為果33+1隻真係豬? 你腦囱開咗未呀 !!!

      神又你鬼又你簡直混吉!唓!鈍成咁冇癮唔玩!

      刪除
    31. Horai,
      (1)『咁如果單以思想可以入罪...』,乜你唔知如果你散播或傳播某種思想,喺美國同其它好多西方民主國家都有 Hate crime 呢條罪嘅咩?
      如果你散播嘅思想符合 Hate crime 涵蓋嘅範圍,你就可以被入罪。

      『咁共產黨認為某種思想[危害國家],所以封鎖互聯網/傳媒兼拉人封艇,你支持?』
      你話呢?
      單係『共產黨認為』?
      咁如果單係 "共和黨認為” 或者單係 “民主黨認為” 又或者單係 “自由黨認為”,就可以入你罪,你又係咪會支持呢?

      (2)『哦,原來唔支持中國現在呢刻有民主嘅都係五毛。』
      哦,原來Horai你嘅邏輯係: “五毛唔支持中國現在呢刻有民主” 與『唔支持中國現在呢刻有民主嘅都係五毛』係相同嘅;
      咁照你嘅邏輯,即係 “你老豆有鬍鬚” 同 “有鬍鬚嘅都係你老豆” 係一樣嘅。
      哦,原來Horai你有咁多老豆嘅,咁真係想唔再恭喜你都唔得喇!

      (3)『要中國先有民主,嘿,那你就要無限期押後香港有民主之期。閣下唔介意等,共產黨無任歡迎。』
      你喺 6/20/2015 12:17 上午回應“@匿名(10:56)” 整個留言就淨係得呢一句話。
      乜你句話原來唔係真嘅咩?你原來係喺度講緊假話廢話?咁你又點『正經討論』呀Horai?


      刪除
    32. 我認我又鈍又蠢,絕無天才DNA, 但點都唔會弱智到投隻豬一票!
      温柔的小豬好可愛啊可!

      刪除
    33. @@匿名(8:00):(1)丁點法律常識都冇就請勿嗡得就嗡,冇收學費我唔會教你法律常識,不過可指你自己去搵資料:KKK (Klu Klux Klan)今時今日仲係美國合法組織,有網站有公開招收會員有集會,點解可以呢?嘿嘿。。。不過都拗到離哂題,香港民主 = 港人唔准支持建制派?哦~~~ 唉。

      (2) 唓,你我3唔識7,你憑乜話我五毛?單憑我嗰一句[因為中國國民質素未達標可以善用民主]係嘛?但呢嗰係唯一原因啲人唔支持中國此刻有民主呀!你聽過乜其他理由?講嚟聽吓?任何其他理由都歸根番嚟國民質素呀!唉。

      (3){係咪要起碼睇哂我呢嗰標題下所有留言清楚我講咗啲乜先呀?}你唔明[所有留言]四字點解? 請睇我[5:42]一早嘅留言。唉!

      閣下冇出言不遜我唔會玩你,但你我程度相差太遠,要跟你正經討論太吃力,我再冇心情。

      刪除
    34. 不過講開,我非常建議大家有機會真去修讀一堂[Introduction to Law],通常呢啲科會包 Contract,Tort,少少 Constitutional Law 之簡介。大家毋需去學專業法律知識,但法律皮毛,the spirit of law(非常重要之四字)是我們法治之本,明白 intent,rules of evidence,reasonable man standard 等等等等,永遠有用,信我。其實我覺得法律是哲學[實際化]之精華,尤其是 Constitutional Law 方面。。。。有時睇 US Supreme Court 之 oral arguments,嘩,利害。

      刪除
    35. Horai,
      (1)你唔洗又喺度嗡風喇,你夠膽就最好試下喺美國開個網站宣傳ISIS睇下會點咪知囉。
      『香港民主 = 港人唔准支持建制派?』,乜你又失驚無神爆句咁嘢出嚟?唔通真係黐黐地?

      (2)我話『做五毛要背書唔出奇嘅』,你要對號入座,梗係適隨尊便啦,唔通我話唔準咩。
      『[因為中國國民質素未達標可以善用民主]係嘛?但呢嗰係唯一原因啲人唔支持中國此刻有民主呀!』,人講你就信,咁我醫你唔倒喇。

      (3)『{係咪要起碼睇哂我呢嗰標題下所有留言清楚我講咗啲乜先呀?}』,
      你[5:42]一早嘅留言話『我現在不支持政改,是因為沒有起碼的公開非常 specific 的[承諾],這袋住先會袋一世。』

      咁你話係咪 『你證明咗 “袋住先” 等於 “袋一世” 嘅判斷係正確嘅。』呀?

      咁快就『我再冇心情』謝咗喇?你唔係自詡 “發200個貼” 就 “贏” 咩?


      刪除
    36. Horai,
      (1)你唔洗又喺度發嗡風喇,你夠膽就最好試下喺美國開個網站宣傳ISIS睇下會點咪知囉。
      『香港民主 = 港人唔准支持建制派?』,乜你又失驚無神爆句咁嘢出嚟?唔通真係黐黐地?

      (2)我話『做五毛要背書唔出奇嘅』,你要對號入座,梗係適隨尊便啦,唔通我話唔準咩。
      『[因為中國國民質素未達標可以善用民主]係嘛?但呢嗰係唯一原因啲人唔支持中國此刻有民主呀!』,人講你就信,咁我醫你唔倒喇。

      (3)『{係咪要起碼睇哂我呢嗰標題下所有留言清楚我講咗啲乜先呀?}』,
      你[5:42]一早嘅留言話『我現在不支持政改,是因為沒有起碼的公開非常 specific 的[承諾],這袋住先會袋一世。』

      咁你話係咪 『你證明咗 “袋住先” 等於 “袋一世” 嘅判斷係正確嘅。』呀?

      乜你咁快就『我再冇心情』謝咗喇?你唔係自詡 “發200個貼” 就 “贏” 咩?


      刪除
  4. wong教授眼中的葉劉港,美學歷,是否未入流?

    回覆刪除
    回覆
    1. 演戲技巧肯定未入流, 比如表情太誇張, 吐字太流暢, 而淚腺分泌不足, 先天亦有缺憾.

      刪除
  5. 掃把頭的抹眼淚很假。一邊拭眼袋,一邊清楚吐字,毫無哽咽傷感。反觀經民聯的林健峰之泣訴,一句三頓,真情自然流露。

    掃把頭虛偽,林健峰無知。

    回覆刪除
  6. 假的普選被否決其實未嘗不是一件好事。如果讓假貨披上一件真的外衣,就好比去讓一個假扮警察的人穿上一件真的警察制服去向大眾執法,那這個假警察會執什麼法和對社會大眾有何影響恐怕是不難想像。

    回覆刪除
    回覆
    1. 假普選被否決絕對是一件好事, 否則指鹿為馬, 顛倒黑白, 將會成為社會風氣, 道德淪喪, 文明陷落.

      刪除
  7. 得五句歌詞咁小,加多啲,好嗎?

    回覆刪除