20120210

反蝗論的術與勢

關於所謂「蝗蟲」的爭論,發展到現在,看來是反蝗論的陣營越來越凝聚、聲勢越來越浩大,反反蝗論則聲音分散,似乎根本不成氣候。這是由於反蝗論的言論領袖策略成功,因術而得勢。

這場爭論在很大程度上已成為政治角力,不只是空講立場和理論,而是要訴諸群眾的支持。一個論述要得到更多的群眾支持,有三個重要條件:一是立場簡單鮮明,二是易於兼收並蓄,三是有助宣洩群眾的情緒。反蝗論由最初的似乎是偏激之論,經其言論領袖的續漸導引,現在擺出來的立場只是「不滿自由行大陸人在香港的不當行為」,符合了上述三個條件。

「不滿自由行大陸人在香港的不當行為」是個簡單鮮明的立場,並且能容納以下不盡相同的立場:

反對大陸孕婦到港生產
不滿大陸人搶高奶粉或其他商品的價格
不滿大陸人在香港的不文明、不禮貌行為
反對自由行
擔心中共在香港殖民及同化港人
視大陸人為次等族群

支持反蝗論的人不一定支持以上所有立場,但他們都不滿自由行大陸人在香港的不當行為,而且大多是強烈地不滿;反蝗論越人多勢眾,他們越覺得自己的不滿得到宣洩,因此,雖然「反蝗論」這支大旗下龍蛇混雜,支持者都容易抱著求同存異的態度。

反蝗論現在已是進可攻,退可守,不但可以理直氣壯地否認歧視大陸人(因為反蝗論者不一定歧視大陸人),甚至說可以不用「蝗蟲」一詞(因為聲勢已成,用不用這個詞語已不重要)。反反蝗論較簡單易明的一面離不開反歧視、談包容,而且令人有只是執著「蝗蟲」一詞的印象,被反蝗論者一句「不吃人間煙火」或「針唔拮到肉唔知痛」便打發掉;假如反反蝗論者將自己的立場表述得詳盡一點,例如說明為何應該集中力量解決問題而不只是發洩情緒,便變得較難掌握,很多人根本沒有耐性搞清楚,又怎會支持?

反蝗論的陣營會否繼續壯大,其言論領袖將會怎樣利用陣營的聲勢、怎樣引領陣營的方向,對香港都可能有頗大的影響,是所有關心香港的人不容忽視的。

81 則留言:

  1. 其實所謂反蝗論的最根本最核心的問題﹐是我以前談民族性時談的幾個心理學現象﹐分別是第一印象(first image)影響﹑刻板印象(sterotype)﹐以及你之前曾談過的確認偏誤(confirmation bias)﹐最終因為標籤化效應﹐而形成了偏見。
    所謂歧視﹐必須先對某族群有負面印象﹐再成偏見﹐繼而誇大或針對該族群的危害﹐才能成為一種排外主義。

    我看過幾段批判反蝗論的言論﹐他們均無從心理學角度去解釋所謂反蝗論的誕生成因。如果缺乏反蝗論的誕生過程的拆解﹐單是說這是一種排外主義和保護主義的話﹐這最後當然流于口水仗。

    其實早在上年派六千蚊的時候﹐我曾寫過文談歧視新移民問題﹐談的便是歧視背後的歷史和經濟背景。而這一波的所謂反蝗論﹐只是打著「自由行遊客公德意識薄弱」的外表﹐加些反大陸化﹑雙非問題﹐借題發揮將歧視新移民的言論覆述一次。

    簡單來說﹐我認為現在很多所謂反蝗聲音﹐其第一因是他們對大陸客的第一印象不好﹐這種印象不好﹐可能因為言行﹐更有可能其實是因為衣著和外表的。
    那些人的不良印象﹐可能是因為男的穿吊腳西褲不稱身老西﹐頭髮蓬鬆再踎在地上抽煙﹔女的皮膚拗黑﹑穿著三腳骨絲襪﹐搭條花裙然後滿口東北腔捲舌音。

    其次﹐香港在金融風暴後的信心崩盤﹐香港在它的經濟神話破滅後﹐由東方之珠﹑遍地黃金變成存在邊緣化危機﹐甚至連老本行的買辦服務業都快要沒得搞。

    當中最重大的轉變﹐莫過於香港人和大陸人之間的身份互調。以前是北上消費﹐大陸人是窮到燶的「大陸喱」﹐現在則是大陸一部份人先暴富起來﹐香港成了暴發戶的購物天堂和炒賣場。以前我們只聽到香港嫖客上大陸叫雞﹐唔當對方係人﹐現在這群「大陸喱」竟然跑到你頭上拉屎撒尿﹐是誰也會心理不平衡。

    而建制派為了政治需要﹐將香港在04後能復甦的功勞﹐歸功於自由行和cepa﹐也令存在信心危機甚至迷失的港人﹐更令那些本來已經心理不平衡的港人宅男﹐將矛頭進一部指向自由行。

    而他們公德意識薄弱﹐只是在負面印象建立後﹐加深其壞印象的一個原因。
    其實印象本來已經是不好了﹐還有一個抨擊的大好借口﹐自然成為他們攻擊的突破口。

    回覆刪除
    回覆
    1. //這一波的所謂反蝗論﹐只是打著「自由行遊客公德意識薄弱」的外表﹐加些反大陸化﹑雙非問題﹐借題發揮將歧視新移民的言論覆述一次。//

      - 這個講法視所有支持反蝗論的人為歧視大陸人,恐與事實不符。

      刪除
    2. //這個講法視所有支持反蝗論的人為歧視大陸人,恐與事實不符。//
      如何跟事實不符﹖你列舉出的所有反蝗原因﹐有哪個不是sterotype﹖哪個不是confirmation bias﹖
      如果人們批判的﹐是「公德意識薄弱」的問題﹐何解要針對大陸客﹖香港人的公德意識﹐又有幾高﹖
      如果要用法理來支持所謂公德問題﹐單以童星點心麵罵戰而言﹐食童星點心麵的陸客﹐違反了港鐵附例﹐但指罵對方的香港人﹐其實也違反了港鐵附例28H﹐香港人在50步笑100步﹖
      至於暴發戶消費心態﹐你乃至那些反蝗毒男﹐要不少上大陸夜場玩﹐要不知而不說。香港嫖客北上玩﹐是出名鹹濕變態的﹐可是聞名三沙一水﹐乃至常平厚街!例如﹕就地正法﹑狂揸亂摷﹑叫雞唔比錢﹑逼對方口爆﹑含含下疴尿...要有人渣有幾人渣!
      呢類人渣行為﹐你如果唔信﹐自己上下141.com﹐睇下D巴打CP分享﹐都有人會講。而香港雞虫D人渣行為﹐係以前班友未敢北上玩之前已經有﹐不論落缽蘭街﹐定係落中國城的﹐我都見過唔少啦﹖
      好﹐我唔講極端例子﹐正常一D﹐講香港人以前北上消費果種態度﹐你落東門睇睇﹐睇下班友點對D洗腳妹﹐點對D侍應﹐又好過大陸客幾多先﹖咪一樣大把西客﹖

      問題﹐唔係香港有幾多個雞虫係大陸玩到咁人間失格﹐問題係﹕如果有人以香港有D雞虫玩係大陸玩到咁人間失格﹐以此大鬧港人係港燦﹐要反港燦﹐本身就係一個sterotype!

      刪除
    3. 敢問文兄,這不就是你前所說的累鬥累哲學嗎? 還有,香港應該如何自處呢?

      刪除
    4. (1)你無睇清我最後果句。我重點係話﹐中港西客何其多﹖但用一班西客﹐去玩以偏蓋全﹐講到全部客都係衰9格﹐就係玩標籤化。

      (2)至於點自處﹖無乜點gala﹖本來不是物﹐一任惹塵埃呢﹖
      只要陳雲林忌班友唔發神經﹐只係繼續停留係網上自慰階段﹐咪一切繼續照舊囉﹖
      客照接﹐香港sales繼續係班大陸客面前扮死狗﹐錢照賺﹐港男則繼續一路向西﹐叫雞娶妻包二奶﹐幾好啊!!!

      如果班契弟真係神經刀﹐無神神走去搞班大陸客﹐咪好囉﹖央視會報﹐全國憤怒﹐自由行來港人數咪跌囉﹖
      所以話﹐如果班友真係反蝗﹐就唔好係網上打嘴炮啦!
      快快脆脆出去﹐是但執件大陸客扑濕佢啦!

      之後點﹖咪自由行來港數字插水囉﹖再之後﹐歐債危機漫延香港﹐樓股泡沫大爆破!
      之後點﹖仲有乜點呀﹖happy ending﹐大家等收皮!

      刪除
  2. 面對反蝗對反反蝗這一困局,請問王老師和文兄有何良方對策?

    回覆刪除
    回覆
    1. 如果你問我﹐唔需要有良策﹐王sir講咩“反蝗聲勢浩大”﹐查實又係得啖笑。
      係﹐網上嘈到拆天﹐但老銅老旺老尖﹐還不是一大堆自由行﹖
      上水粉嶺咪繼續有一大班大陸客掃海味掃奶粉﹖
      香港咪又係繼續每日150個單程證﹖
      私家醫院咪又係繼續每日接受雙非預約﹖
      唯一要擔心的﹐是炒起雙非議題的CY陣營﹐但CY家陣都陷入西九門囉﹖范太又代表咗阿爺﹐話當年人大釋法早已講明雙非問題﹐無需要亦無可能再釋法﹐等同打CY一巴掌!
      人大連釋法都話釋過法﹐唔會再釋﹐仲修法﹖呢種強逼阿爺用普通法原則處理基本法嘅邏輯﹐你認為阿爺會睬你咩﹖

      都係果句啦﹐香港新聞﹐三個禮拜無人炒﹐就自動收皮gala!
      至於所謂排外﹐香港班友都係得把口嘅啫﹖影響唔到實質社會運用﹐你打嘴炮打到識飛都無用!

      刪除
    2. //有何良方對策?//

      - 我只是個書生,紙上談兵還可,提供良策真是考起我了。

      刪除
    3. 文少,

      //王sir講咩“反蝗聲勢浩大”﹐查實又係得啖笑。//

      - 聲勢大是一回事,能否影響現實又是另一回事,要看往後怎樣發展。

      刪除
    4. wong : - 聲勢大是一回事,能否影響現實又是另一回事,要看往後怎樣發展。

      stupid living in the ivory tower -- 文少 already said 都係果句啦﹐香港新聞﹐三個禮拜無人炒﹐就自動收皮gala!
      至於所謂排外﹐香港班友都係得把口嘅啫﹖影響唔到實質社會運用﹐你打嘴炮打到識飛都無用!

      sooner or later, this is going to die down and everything back to "normal" ... there is no 往後怎樣發展 ... life remains the same :

      老銅老旺老尖﹐還不是一大堆自由行﹖
      上水粉嶺咪繼續有一大班大陸客掃海味掃奶粉﹖
      香港咪又係繼續每日150個單程證﹖
      私家醫院咪又係繼續每日接受雙非預約﹖

      that is money, that is HK ...

      刪除
  3. 呢個困局好多時係無人認真去打破。

    例如 「取消簡體,用回繁體」係大勢所趨,但中港雙方又是否有認真真去實行?

    回覆刪除
    回覆
    1. 「取消簡體,用回繁體」係大勢所趨﹖唔好搞笑得唔得﹖
      一邊係13億﹐另一邊係夠五千萬﹐連聯合國中文都係用簡體﹐繁體面臨消亡﹐先係大勢所趨。

      刪除
    2. //「取消簡體,用回繁體」係大勢所趨//

      - 有這回事嗎?

      刪除
    3. 咁同問何不食肉糜有乜分別?

      如果真係有認真研究香港問題,就唔會講呢句話,亦唔會討論搶奶粉呢類問題。

      香港人要背住供樓呢個擔之外,亦肩付著保衛粵語同繁體字的責任,怨氣又怎可能少?

      香港好多人都係因逃難而來,而香港提供左一片樂土畀我地保存好多珍貴的文化及歴史。

      更令人悲痛欲絕的係讀書的只係高高在上,只懂咬文嚼字,只懂取笑別人。

      而陶傑篇學術累事暗寸的就是我地呢班只係紙上談兵,沒有為香港出過一點力的人。
      下面有人比你地更能明白個問題:「不吃人間煙火」或「針唔拮到肉唔知痛」。

      http://hk.apple.nextmedia.com/template/apple_sub/art_main.php?iss_id=20120211&sec_id=12187389&art_id=16059891

      刪除
    4. 我懷疑你就係陳雲,否則怎會推薦高慧然這篇讚陳雲做真男人的垃圾文章?

      刪除
    5. 我唔太知佢係乜水,只係禮貌地貼出處,不過好似係港女。不過無所謂,現在討論原因嘛。

      你上去呃大陸人錢係你的事,但累街坊就係人都嘈啦。正如做賊的,你唔連累屋企可人無人理你,但你搞到警察日日上門搜屋就係人都反面啦。

      刪除
  4. 你已經講左香港人今天反蝗的原因了。

    但香港由小島變成東方之珠,香港人又怎會睇小自己 ?

    回覆刪除
    回覆
    1. 睇少自己﹐同認清當前形勢係兩回事。
      香港經濟結構畸形﹐實體經濟空洞化﹑經濟轉型失敗﹐買辦中介優勢正在喪失﹐邊緣化同自我邊緣化﹐已成定局。
      有得做大陸客購物天堂同炒賣場﹐已經執到﹐而且根本做唔得耐。

      刪除
    2. 正如我講,「取消簡體,用回繁體」係大勢所趨,你的答覆已經講左香港人今天反蝗的原因了。

      刪除
    3. 問題係﹐你憑乜認為「取消簡體,用回繁體」係大勢所趨先﹖
      先唔講主張本身合理性﹐不過﹐形勢上處於少數同弱勢一方﹐話自己主張係大勢所趨﹐呢D叫夜郎自大。

      刪除
    4. 你的答覆已經講左香港人今天反蝗的原因了。
      仲有﹐如果我的回覆已經講左香港有D人反蝗原因﹐咁就真係弊家火囉!
      原來有D香港人反蝗﹐係因為香港自己回咗塘﹐又諗唔到點鹹魚翻生﹐又是但搵個稻草人出來打希希!

      再講﹐香港若真係覺得自由行弊大於利﹐你地就咪春接班大陸客啦﹖
      又要賺人錢﹐賺到肚滿腸肥轉頭又媽叉人﹐唔夠厚道wor﹖
      至於話D錢﹐其實袋晒落班財閥﹐呢下又唔係真相及真相全部啦﹖好似D酒店啊﹑海味鋪﹑藥房﹑名店...都唔係清一色落財閥袋呀﹖
      仲有﹐呢D鋪唔賺錢﹐係入面打工D糧水又邊處來先﹖香港人咁憎自由行﹐返工果陣又對住班自由行﹐笑口噬噬﹑霎熟狗頭﹐用D唔鹹唔淡普頭話sell貨﹖

      放工﹐丟低條狗帶﹐就變身做網上正義超人啊﹖呢種正義﹐廉價得太cheap啦!

      刪除
    5. 你的答覆已經再一次講左香港人今天反蝗的原因了。

      正正係呢個,令香港由小島變成東方之珠。

      香港用左數+年去抗病毒音,當然亦唔會怕少數對多數啦。

      繁體有幾耐歷史?

      this

      刪除
    6. 你好似理解錯左反蝗;取消自由行,取消自駕遊正正係呢類人的主張。

      刪除
    7. 亦可以咁睇,你所講的話,香港人真係信以為真!

      但今天,他們終於訓醒了,終於明白現在要做乜。

      刪除
    8. 正簡字個到
      請勿自定假設
      呢個唔係主要原因而反內地人
      我更加未聽聞今次反內地人既原因係反簡字
      呢到只係陳雲既觀點 以往拎黎反內地人既論據
      唔好混為現今內地孕婦事件一談
      更唔可以放大到十之八九既香港人都係反簡字
      話知你幾耐 冷血尐講
      語言只係溝通既工具 係渠就人 唔係人就渠
      唔重視就係唔重視 你奈人地唔何
      你大可以知其不可而為之 再發揚
      說實句話 陳雲寫語文解毒
      香港人真係重視既話 新聞就唔會聽到咩性咩化
      咩度咩感啦 少都無少過 見微知著
      正簡字一事 大多香港人點睼 心照 唔想引埋學校例子
      同埋 你真係恁支持陳雲既話 唔該 稱繁體字為正體字
      解毒一書有寫點解
      因此 你既假設出左事
      好似講到好多香港人反蝗 係因為正簡字抗爭
      所以 要講多句 係「對抗簡字既香港人」 即係少之又少
      恁先夠準確 廢事人地誤會 以為當中既「少」
      係指大多香港人
      ps:文哥哥 加油=.=/
      同埋 為正體字 辦定後事 死硬無藥救
      當然 知其不可而為之 我都會宣揚

      刪除
    9. 〔我更加未聽聞今次反內地人既原因係反簡字〕

      你肯定?如果係咁的話:咁同問何不食肉糜有乜分別?不過你可自己 search 下呢方面資料。

      我唔睇陳雲先生,只係聽過下佢大名。但我唔睇都大約知佢講的野。

      其實醫院好多講普通話的人好多年前已發生了,特別係急症室。只係一直以來好多人都啞忍,到今天終於要發火了。

      學校以前亦禁用簡體,睇黎呢個火頭好快亦會燃起了。

      多謝你為香港盡力。不用擔心,香港人一定可創造奇蹟。如果成功的話反蝗亦會告一段落,大家開開心心生活。

      刪除
    10. 匿名君呀﹐你除左識講「你的答覆已經講左香港人今天反蝗的原因」﹐你仲有咩新論點呢﹖
      至於香港係東方之珠﹐come on﹐東方之珠只係政府文宣洗腦﹐以供香港人自吹自擂ga!
      醒下啦﹖OK。
      香港因國難而起﹐靠販毒走私起家﹐同埋做買辦轉口﹐你自己翻查歷史資料﹐香港以前幾間大洋行﹐有邊個無走私過鴉片﹖
      國共內戰後﹐大陸玩土改鬥地主社會主義改造﹐一大班大陸資本家走落香港﹐為香港工業化帶來第一桶金
      再之後係韓戰﹐大陸比人經濟封鎖﹐但與此同時﹐外資覺得歐美人力成本高企﹐需要將生產工序搬去落後地區
      由於大陸政治運動連連﹐大躍進失敗後又來個三年自然災害﹐一大班人無飯食湧落香港﹐提供賤價勞動力﹐香港先成功工業化。
      所謂工業化﹐咪好似大陸改革開放初期囉﹖做世界血汗工廠呀!
      再之後呢﹐咪係銀行金融業興起﹐靠炒股托起金融體系﹐但與此同時﹐大陸改革開放﹐血汗生產工序北移...
      問題就卡係呢度啦!
      血汗工序北移﹐本來係開發第四產業﹐搞R&D﹑品牌打造﹑產品設計業的時機...香港做乜﹖
      前途問題﹐港英政府以積極不干預﹐係經濟發展方面繼續放任自流﹐任由工業北移﹐再搞高地價政策﹐形成樓股泡沫
      偏偏﹐香港人因為後過渡期心態﹐炒樓炒股賺錢來得快﹐醉生夢死﹐危機已至而無憂患意識﹐仲覺得香港遍地黃金﹐英國佬話你係東方之珠就自吹自擂!
      再之後呢﹖咪係因為亞洲金融風暴﹐經濟樓股泡沫﹐實體經濟問題現形囉﹖
      當時老董提咩呀﹖搞高新科技﹑第四產業﹑中醫藥研發﹑科學園﹑增設旅遊硬件配套﹐邊個聽呀﹖邊個理呀﹖仲笑人假大空!
      再之後呢﹐咪係煲呔上場囉﹖呢個世界仔﹐從老董失敗經驗吸取教訓﹐多做多錯少做少錯﹐咪玩reloop﹐由得香港靠樓股炒賣托起個市囉﹖
      經濟結構問題純粹係因為所謂地產霸權﹖官商勾結﹖

      施主﹐一個共業總有緣起﹐問題要從根源睇起呀!
      好多香港本來可以翻生嘅機會﹐係邊個錯過㗎﹖
      香港物流業面臨邊緣化﹐又係咩事呀﹖
      香港第四產業交白卷﹐人家韓國十年前同香港一樣﹐十年後samsung手機生產水平﹐可以同apple鬥!
      科研生產水平本來領先大陸﹐而家連深圳都追唔上﹐又係政府錯呀﹖
      一個本來有經濟統戰價值的香港﹐十幾年後竟然要靠大陸南水北調﹐壓住深圳上海發展勢頭來接濟!
      你仲好意思提東方之珠﹖

      仲有﹐我比較有興趣係﹐香港有班傻仔話要反蝗﹐如果係集中自由行的話﹐問題又來啦!
      你咩新鮮蘿蔔皮呀﹖你反完靠乜春先﹖靠接歐美客呀﹖

      正所謂風水輪流轉﹐香港今日行到呢個位﹐形勢比人差﹐就係比人差!唔好再緬懷過去la﹖如果唔係﹐真係變港燦gala~~

      刪除
    11. 我不會不懂歷史,亦唔係反蝗人,亦不知陳雲寫乜,亦不一定反對你講的資料。論點對解決問題無用,怎做才是重點。

      大國崛起只係政府文宣洗腦﹐以供大陸人自吹自擂ga!

      正如你講,又要靠自由行又要反蝗,世上怎有這回事?至於要靠大陸才生存到亦只係假設,如中國無改革開放,咁香港人現在咪餓死晒?

      醒下啦;世上無話邊個無左邊個便生存唔到的。天意如此,有乜辦法。

      過去唔一定用來緬懷,亦可睇成係事實。正所謂風水輪流轉,中國好左咁多年都應步美國後塵,咁香港經過今次反蝗後,可能開始有運行。

      刪除
    12. 好 當我看漏眼
      不過 數字多唔多??
      我呢家就係質疑數字
      究竟大多香港人對正簡字既立場如何??
      聽到人說普通話係事實 發火係事實
      不過中間關係如何 唔好咁快判斷
      憎既野唔一定係語言 可以係背後既民族同文化
      語言只係投射 自己憎既 係未真係只係語言? 再心照
      正如陳雲反簡字 真正目的係咩 我地唔知 至少睼到係反中方 詳情自己睼
      學校 以前還以前 你用你既經驗講學校以前禁用
      我夠可以用我既常識話
      有尐學校俾用 仲講簡體字少筆劃 寫快尐 多用為妙tim
      不過 最少我論證到 大多香港人覺得無可無不可 志在實用
      而且 係有不少學校主張天下通語教中文
      反正現今細路(小學)都要忙到死 要做網上練習
      可以留意下 中文網上練習 包唔包括天下通語
      民族要學好民族語文 竟然要諗埋用咩話教會好尐
      寫咩字會改善 恁斤斤計較 恁功利既民族
      文化幻滅 玩完 文字都係文化 華夏文化講求斤斤計較既話
      就已經證明 用唔用天下通話 寫唔寫簡字 已經唔洗再討論
      你既文字已經顯示徂自己民族既面目
      同埋 用唔用簡體字 始終過唔到文化包容一關
      簡體字源於古人便條速記 志在快捷
      雖非正統 卻古已有之 通假字等等問題 睼返陳雲一書 都係講緊中共簡體字 全數簡體 並唔係古時簡體字
      而且 唔通就因為覺得人地係蠻族 就唔肯虛心學習?? 恁樣或者會係文化歧視 未了解哂 先話唔掂 坊間有支持
      普通話非蠻語既說法 睼埋先下定論 最好叫埋陳雲睼
      跟住再出新書反駁
      更何況 套文少哥哥一句話
      你點證明粵語先係正統? 論方位 北方早過我地納入華夏民族既版圖 我地起周代個陣 只不過係外人嫁渣
      你要再起文化傾 我阻你唔到 反正講到最後 都會返到政治
      而且 今次內地孕婦來港產子
      到大陸人飲飲食食屎尿屁
      討論既係政治 資源 文化(行為舉止)
      正簡字討論十分渺小 嚴格尐講
      起到引起正簡討論 形同翻舊帳
      踩多大陸人幾腳 香港人討厭既 係個種管治手法
      兩種人生觀抗衡 文化??
      對文化鮮有關心既香港大眾竟然會傾
      天大奇聞 太陽從西邊升起 何止奇蹟 近乎神蹟啦
      好啦 唔傾啦 恁都捱到落去 支持到論點
      我再冇咩說話好講 不過
      我再重申 香港人為正體字反抗 真正
      目的仲有政治目的 文化只係其次 語言只係投射
      同埋 唔多人真正為文化反抗
      一日未反駁到"佢地唔重視解毒執正"
      而又證明"好多香港人為正體字反抗"
      結論就係"佢地借投射反中共政府"
      好 收筆 收檔 文少哥哥加油 小子要早抖

      刪除
    13. 匿名君
      (1)我只係解釋問題成因﹐我又唔係CY唐唐﹐又唔係垃圾會議員﹐我無責任諗點去解決香港產業畸形問題。
      (2)其次﹐所謂經濟產業畸形﹐可以係一個問題﹐亦可以唔係一個問題﹐關鍵係你點定位。好似澳門﹐單靠吸引大陸客過來賭錢同旅行﹐一樣發到圍。
      同理﹐係阿爺十二五規劃入面﹐就係明白香港無可能再搞產業多元化﹐於是就將香港定位作專業金融業﹐靠內地企業來港集資﹐做人民幣離岸服務﹐再搭自由行支撐香港旅遊業。
      問題係﹐班所謂反蝗友唔受嘛﹖話大陸客無公德呀嘛﹖話溫州幫炒貴樓嘛﹖話自由行搞到老尖老銅D鋪頭只顧做自由行生意呀嘛﹖
      唔通嘈大陸化﹐反自由行班友唔去諗香港出路﹐叫我去諗呀﹖會唔會本末倒置呢﹖

      (3)無神神你提咩大國崛起呢﹖
      至於阿爺提出和平崛起﹐乃至十年發展機遇期﹐呢個係阿爺個願望﹐背後亦有一定嘅戰略部署。
      另一邊廂呢﹐阿爺一直強調﹐中國係發展中國家﹐呢個亦係事實。
      同埋呢﹐你要記住﹐崛起呢兩個字﹐已經隱含住中國未係大國的意思啦﹖已經係大國﹐仲洗乜崛起先﹖

      (4)香港旅遊業﹐乃至因此而衍生出的旅遊零售服務業﹐有幾大依賴自由行﹐唔洗靠假設﹐而係用數字說話。
      你自己上網查下﹐香港一年做幾多大陸客生意﹐佔香港旅遊業收入整體的百分比先。

      至於其他經濟範疇有幾依賴大陸﹐我都唔講物流業啦﹖亦唔講內地港商投資金額。
      係啊﹐港資係大陸投資設廠﹐係對大陸經濟發展有利﹐但實情係互惠互利。
      無大陸比港商搞血汗工廠﹐唔通你叫班港商死返落香港搞工業呀﹖叫班友用28蚊個鐘請人車衫呀﹖執左九世啦!
      我都未計香港班打壞後生﹐28蚊都唔願去工廠打工啦﹖

      至於「世上無話邊個無左邊個便生存唔到」﹐我只會答你﹐你無水無飯食﹐就會生存唔到。
      問題係﹐當香港糧食食水﹐都主要靠大陸進口之時﹐你反乜蝗呢﹖
      如果你話你要反對阿爺﹐搞三搞四令港人人心回歸。我不妨話過你聽﹐向香港運糧輸水本身﹐一直就係大陸關照香港的統戰手法來的。如果唔係點會早排粵北鬧旱﹐香港照有東江水呀﹖

      同埋呢﹐你唔好講到好似香港真係有乜春反蝗先得ga﹖
      你睇下人地外國係點排華先啦﹖班契弟學人玩排外﹐最起碼要學下三K黨呀嘛﹖
      所以我先話王sir話反蝗聲勢浩大﹐係搞笑咋嘛﹖
      係網上打下嘴炮﹑搞幾個低能講座就算排外呀﹖就叫聲勢浩大呀﹖

      刪除
    14. 文少,

      明哂, 香港無術無勢, 無本事, 無quali, 玩咩反蝗反反蝗呀! 到頭來, 0米又0係13億vs7百萬, 都0係等大國幫拖施捨算0巴0拉!

      刪除
    15. 匿名君﹕
      講晦氣說話添呀﹖
      認清香港本身仲有幾多統戰價值﹐點去保留自己嘅統戰價值﹐先至能夠保住一國兩制同高度自治。
      如果你認為﹐所謂反蝗有利於保住一國兩制﹐有利於經濟﹐咪搞囉﹖
      問題又返來啦﹐所謂反蝗的終極目標係咩先﹖
      取消自由行﹖唔接大陸客﹖
      雙非無居港權﹖取消每日150個單程證﹖
      唔比大陸人以投資方式移居香港﹖唔比大陸人買香港樓﹖
      學校唔再教班細路普通話﹖唔比學生做功課時寫簡體字﹖

      先唔傾實際上做唔做得到﹐你不如先計計當中牽涉幾多利害利益先啦﹐OK﹖

      刪除
    16. 文少,

      你辯才滔滔,博古通今,但這次你錯了:-)。

      我不是在講晦氣說話!

      我清楚知道香港無斤兩去玩反蝗反反蝗,無quali去block自由行。同錢鬥氣0羊?

      香港無咩核心價值,過去幾十年,我們都是白活! ...(死,你又會話我講晦氣說話 ...)

      剩下來的,香港嘅統戰價值就只有穩定,穩定,和穩定,大家千其唔好攪寸亞公0個party!

      唔happy嘅,可以選擇移民,北上去玩,或者上網吧打機:-) ...

      刪除
    17. 匿名君﹐
      (1)大家傾下閒偈﹐無必要笠我高帽呀嘛﹖
      你話王sir博古通今就話啫﹖我讀書分分鐘比你少﹐你笠我高帽﹐我受之有愧啊!!
      (2)取消自由行﹐唔係純粹有無斤兩問題﹐而係有無必要問題。
      幾個大陸客隨地吐下痰﹐係地鐵食下嘢﹐排隊打下尖﹐抱住個細路係街邊疴下尿﹐就上綱上線話要取消自由行﹖
      如果係咁﹐香港D垃圾虫﹐咪要學深圳當年打黃﹐捉去遊街先﹖
      又﹐即使係政策層面上﹐政府唔會亦無可能取消自由行﹐但既然講到反蝗聲勢浩大囉﹐班友咪號召香港人集體唔好做大陸客生意囉﹖
      問題係﹕你估又有幾多人陪佢癲﹖

      (3)我無話過香港無核心價值﹐我係問咩係香港核心價值﹐憑乜話果D係核心價值!
      如果你話民主自由人權法治係核心價值﹐我反而覺得四仔主義﹑消費主義同商品拜物教先係香港核心價值囉...
      為防你唔知咩係商品拜物教﹐你可以睇睇以下簡介﹕
      http://obelia2.blogspot.com/2008/12/commodity-fetishism.html

      (4)似乎你唔明咩叫統戰價值﹐好﹐我唔用呢個term﹐我用利用價值la﹖或者係議價能力la﹖
      所謂議價能力﹐即係牙力同食力(by簡炳遲)。
      唔好講到政治啦﹐講你打工!你無食力﹐又嘈嘈貢﹐老細咪炒你囉﹖vice versa
      所以話﹐聽聽話話呢﹐唔代表你有利用價值﹐你有食力先有統戰價值。
      你聽聽話話但係垃Q圾﹐你一樣都係聽乞米!
      不過你聽話仲有度好﹐你唔做錯辣馨人﹐咪無驚無險又到一點囉﹖

      So﹐當你形勢比人弱﹐你就要蹈光養晦﹐甚至臥身嘗膽!
      你要諗下點翻身﹐該死狗時且死狗!
      你仲嘈喧巴閉﹐咪撩鬼攞命囉﹖
      最大檸樂係﹐香港仲有好多人未認清形勢呀嘛﹖仲懷緬緊自己過去光輝歲月嘛﹖仲以為扭計就有糖食之嘛﹖

      刪除
  5. 一點都不好笑。

    唔好忘記,孫先生革命思想係來自香港,而鄧小平改革開放思想亦係來自香港。

    回覆刪除
    回覆
    1. 問題係﹐兩者都唔關香港人本身的事﹐影響他們的﹐是港英政府在香港建立下來的上層建築。

      刪除
    2. 呢個不是重點,重點係影響到香港人,令香港人好好保存繁體同廣東話,令佢地在香港發揚光大。

      刪除
    3. 我反而唔明﹐點解要好好保存繁體同廣東話先﹖
      其次﹐點解要叫廣府話做廣東話先﹖
      廣府話只不過係廣東其中一種方言﹐竟冠以廣東話之名﹐咁四邑話汕頭話東莞話雷話客家話封開話﹐又係乜﹖
      仲有﹐香港本土方言﹐本來係圍頭話同客家(惠州片)﹐廣府話反而係外來語
      點解去到最後﹐係喧賓奪主﹐D人竟然係保留一種外來語﹐而任由本來的方言消亡﹖呢D所謂尊重方言多元﹐有幾多元﹖
      究竟你係尊重方言多元﹐定係繼續保留香港的粵語霸權先﹖

      刪除
  6. /*「不滿自由行大陸人在香港的不當行為」是個簡單鮮明的立場,並且能容納以下不盡相同的立場:

    - 反對大陸孕婦到港生產
    - 不滿大陸人搶高奶粉或其他商品的價格
    - 不滿大陸人在香港的不文明、不禮貌行為
    - 反對自由行
    - 擔心中共在香港殖民及同化港人
    - 視大陸人為次等族群*/

    「不滿自由行大陸人在香港的不當行為」是那個意見領袖說的?當然,社會或政治大事件都是從共有於個人的情緒或價值觀蘊釀而起的,近年大陸人在香港的活動及各方面的影響是史無前例的。成長於英國統治下及經歷了經濟大繁榮的香港人怎會不感到不安?無論情緒後面的心理過程是什麼,最後觸動的是作為香港人自處的危機感,只用「不滿自由行大陸人在香港的不當行為」不能總括香港人這生存狀況,況且,這還未能包括大陸人以各種方式移居香港(如買樓、政治滲透、以工作名義實則是大陸高官的後代),侵佔香港的居住空間及福利,以及影響政治,這不單是行為問題,而是很根本的權力關係。我想應有一個更好的言說方式,例如:「不滿大陸來港的人只求滿足自己的私慾,破壞香港核心價值及優良文化」。

    /*反蝗論的陣營會否繼續壯大,其言論領袖將會怎樣利用陣營的聲勢、怎樣引領陣營的方向,對香港都可能有頗大的影響,是所有關心香港的人不容忽視的。*/

    會有什麼影響?頂多可能是一些社會示威及衝突。香港已成大陸的待烹之兔,真正令人擔心的,是大陸的貪腐政權加上香港大財閥及從中撈油水的政客對香港各方面管理的影響,這會加速香港人對大陸人的仇恨,甚至使人對香港政府憎恨,不過,香港人還是要接受這結果,難道香港人鬧革命嗎?我想,香港現在只是中國的一個城市,而不是有高度自治的政體。

    回覆刪除
    回覆
    1. //是那個意見領袖說的?//

      - 陳雲和林忌雖沒有用這句說話,但他們這陣子將言論集中於大陸人的不當行為和強調尊重本地文化,我認為是將反蝗論定位為「不滿自由行大陸人在香港的不當行為」。

      //只用「不滿自由行大陸人在香港的不當行為」不能總括香港人這生存狀況,況且,這還未能包括大陸人以各種方式移居香港(如買樓、政治滲透、以工作名義實則是大陸高官的後代),侵佔香港的居住空間及福利,以及影響政治,這不單是行為問題,而是很根本的權力關係。//

      - 我不是說「不滿自由行大陸人在香港的不當行為」這個立場能概括大陸人在香港的一切不合理活動,只是說它能容納很多不同的反大陸人的立場。

      //我想應有一個更好的言說方式,例如:「不滿大陸來港的人只求滿足自己的私慾,破壞香港核心價值及優良文化」。//

      - 這個太學術味,難以吸引普羅大眾。

      //會有什麼影響?頂多可能是一些社會示威及衝突。//

      - 這要看怎樣發展,嚴重的可能影響香港的穩定和中共對香港的政策。

      刪除
    2. /*- 我不是說「不滿自由行大陸人在香港的不當行為」這個立場能概括大陸人在香港的一切不合理活動,只是說它能容納很多不同的反大陸人的立場。*/

      我說的是有另一些立場比你這立場可以得到「更多的群眾支持」。

      刪除
    3. 例如一些因為懼怕大陸政治文化主導的香港的人,便不一定支持這立場。我的學術味說法可能得到這些人支持。

      刪除
    4. 得到一些支持,卻可能會失去另一些支持,所以才要有一個包容量最大的立場,當然,哪一個才是包容量最大,未必如我所說。

      刪除
    5. //「不滿大陸來港的人只求滿足自己的私慾,破壞香港核心價值及優良文化」//
      唔係學術味重﹐根本係偽學術式上綱上線!
      核心價值﹖香港有咩核心價值﹖憑咩話香港有你所講的核心價值﹖一個靚仔係地鐵食童星點心麵﹐又點沖擊香港核心價值﹖
      一個大陸女人抱住個細路隨處便溺﹐又點沖擊香港核心價值﹖
      一班大陸客經合法途徑來港購物﹑買奶粉﹐又點蠶食香港利益﹖
      3萬個雙非嬰中﹐2萬幾個係經合法途徑預約﹐去私家醫院比幾萬蚊生出來的﹐而雙非有居港權﹐係當年終院莫視人大釋法自己判的﹐香港仲因此而賺了6億!公立醫院接收雙非嬰﹐是收正價的!
      蠶食緊咩福利﹖邊個嘅福利﹖點解唔提﹖
      再提到福利﹐更火滾!香港直接繳稅人口只有150萬﹐其他500萬市民不用繳稅﹐還攤大手板花我們納稅人的錢!你唔好同我講政府有好多錢來自賣地收益﹐賣地收益最終轉嫁的﹐是買私人樓的業主﹐而這些有能力買私人樓的業主﹐好多時本身已是納稅人。

      要講蝗蟲﹐沒買私人樓﹐唔洗交稅﹐住公屋﹐食九年免費教育﹐公立醫療補貼﹐免費使用道路網絡﹑公共服務﹐食綜援﹐而一個崩稅都唔洗交的所謂香港永久性居民﹐唔係蝗蟲﹖
      唔通就係人為你老豆老母係永久居民﹐雖然係一個唔洗交稅但食盡香港福利的永久居民﹐生出來個仔又繼續係永久居民!因此﹐呢班友就可以堂而皇之﹐人窮大Q晒﹐所以攤大手板食阿公﹐你食飯我埋單呀﹖

      再講所謂永久性居民﹐又係好好笑的。香港70%的人口以上﹐係所謂舊移民。而呢班友﹐根本係抵壘政策取消前﹐偷渡來港的!
      他們是受惠於當年的抵壘政策﹐成功抵壘﹐才擺脫黑市居民﹑偷渡客身份﹐而成為所謂香港人!
      現在﹐受惠於當年抵壘政策的偷渡客﹐及其後代﹐堂而皇之以港人自居﹐反過來批評那班新移民和雙非﹐而這班新移民﹐全部都是循兩地合法途徑程序來港!
      一群偷渡客後代﹐走去話一班合法移民來港痴金糠﹐幾荒謬呀﹖

      刪除
    6. /*唔係學術味重﹐根本係偽學術式上綱上線! 核心價值﹖香港有咩核心價值﹖憑咩話香港有你所講的核心價值﹖一個靚仔係地鐵食童星點心麵﹐又點沖擊香港核心價值﹖*/

      我只是提議那說法能煽動更多人,其實我唔知乜叫香港核心價值。我想你知道我想說什麼的。

      刪除
  7. //得到一些支持,卻可能會失去另一些支持,

    That is the case.

    回覆刪除
  8. 說到最後,這一切都是利益分配的具體政策問題,而不是應該包容應該反歧視的規則問題。

    不是不能談價值談理念,但談的時候,需要表達出同理心,否則難免令受眾感到沮喪,覺得這班學人「不吃人間煙火」或「針唔拮到肉唔知痛」,自己有鐵飯碗,有住屋,女又生左,衣食無憂,自然能夠在道德高地上乘涼得好暢快。

    回覆刪除
  9. 這麼快就驚「蝗蟲」? 阿爺話50年不變。就算阿爺守信,等多三十幾年,如果到時阿爺話要變,香港人頂得住?可能由驚「蝗蟲」變成「從皇」驚,連狗都不如。被人罵是狗已算是幸運。

    回覆刪除
  10. //香港人好好保存繁體同廣東話,令佢地在香港發揚光大。//
    見上條,如果三十幾年後阿爺話香港不再用繁體同廣東話,點算?

    回覆刪除
  11. 如果問題真是那麼流於表面是很易解決, 但問題真正有何嚴重, 現時基本上我看不出有人能真的指到問題重心, 所以給人一個印象是「不吃人間煙火」或「針唔拮到肉唔知痛」完全不覺得奇怪.

    現今出現問題, 其實是一直以來和9X年後來的新移民在生活上的衝突所積下來的怨氣, 一次過暴發出來. 其實只要和舊區的人談下, 就知他們不滿什麼.

    舊區街坊, 有10個著9個半都反對港獨而支持中國, 中國強大是好事, 但另一方面他們亦對現時所謂新移民大陸人相當反感, 但街坊多是抵壘政策下來香港的, 有些是在8X年合法來港的. 而對新移民大陸人反感的原因, 第一是有不少部份是綜援戶, 而又整天強調政府給的錢不夠用, 但叫他們做工就會諸多事實. 雖政府數字這些人是少數, 但由於舊區公屋新入來的全是綜援戶, 所以給街坊一個強列印象, 現在新移民全是大食懶.
    另外, 在居住方面, 由於生活環境習慣不同, 因此常有衝突, 最明顯是晒衣服滴水, 垃圾處理, 嘈音問題, 以前街坊鬧完, 被區長話完, 會收斂, 之後不會太離譜; 現在是, 和新移民有衝突時, 新移民第一反應是話我們歧視, 叫區長, 警察, 都弄不好, 之後更變本加厲, 早幾年才實行的公屋扣分制, 就係因為這些衝突愈來愈多, 勸導無效, 房屋署最後實行的公屋扣分制, 扣滿分後收回公屋, 阻嚇用作用, 但原本班街坊1亦不滿, 因為有很多以前隻眼開隻眼閉的事, 現都不能做.
    政府診所, 本人由於健康問題, 需定時到政府門診覆診, 不知是否大陸香港的看醫生方式不同, 在診所無理取鬧的新移民多了, 我每次覆診都見到, 不是取藥問題, 就是等候時間問題, 又或登記問題, 或衛生問題, 又話大陸乜乜乜, 又話投訴. 門診的職員, 姑娘, 清潔, 見到個個到不耐煩. 我已經是幾個月才到診所, 但次次都見到, 那麼何況日日在診所工作的人, 更何況在醫院那些工作人員? 更何況窮人會怎想?
    以前, 我們被人話, 是會知恥, 而不會繼續做. 現在是被人話, 可以理直氣壯話無錯, 話歧視.
    當其他國家地區都有移民政策的時候, 而香港不能有自己對大陸移民審批權時, 無人能對窮人和智識水平低的人解釋到香港現時的情況.
    窮人和智識水平低的人是最易被煽動, 現時的情況其實真係好危急. 對大陸人的不滿, 早於99-2000年已出現, 不過倒董時, 放過氣, 到最近壓力上升到要再放氣而已.
    反反蝗論的人, 若真的直接用現時的論述, 去和班街坊講, 肯定被人用粗口問候, 因為那些言論, 表面上是疏導, 但實際沒有由街坊角度去看, 只會讓街坊覺得是打壓, 偏幫大陸人, 對件事只向更壞的方向發展.

    回覆刪除
  12. 睼黎 今次內地孕婦一事
    真係涵蓋好多學術範疇
    大把野討論 誠然思考一大樂事@@"..
    可惜小子年少力薄 插唔入討論
    各位加油=.="/

    回覆刪除
  13. 講多句 照王師而言
    佢地真係幾識玩政治
    識得點樣凝聚能力
    一舉進攻 揮軍北上<--好似多左
    反反蝗論派有難 場仗難打

    回覆刪除
  14. 其實場仗不難打,只要反反蝗論派走入群眾就行,明白群眾所遇到的問題,見招拆招就行;一日不走入群眾,群眾都只係會當是風涼話。
    我認為學術理論,要推到群眾都能明白,才會對社會有用。

    回覆刪除
    回覆
    1. 即係話 今次討論
      除徂抗衡 仲要訴諸群眾囧??
      上次係高登 今次到陳雲派
      各位釣魚之人 記得討論完
      一定要長休啊!!!!

      刪除
    2. 網上口水戰,就算被反反蝗論戰勝,但民眾不理解,怨氣排不走,對件事本質上是無改變過任何事情,只會更加加劇族群衝突。
      與其花時間口水戰,不如行入民眾入面,真正了解民眾遇到什麼問題去解決更實際,不論左中右,係要行入群眾,群眾雖不會講得出什麼大道理,但群眾是感覺得到的,但表達不出,這才需要有知識的人去幫他們表達不滿,又或引導其不滿情緒到正途上,這是我覺得一個有社會責任的知識份子應要做的事。除了資源分配問題外,另外真係要有課程教新移民怎去融入香港社會,至少會令在屋邨那些生活衝突可減少不少,怨氣少,自然可平心靜氣聽各位講大道理。

      刪除
    3. 呢位匿名君又係有趣

      所謂網上打牙跤﹐擺到明係大家食飽飯無所事事﹐得閒發噏風打發時間gala﹖
      你叫人走向群眾﹐我咪係群眾之一囉﹐唔通我落街﹐隨隨便便同個三九唔識七嘅人﹐傾下反蝗問題呀﹖

      至於報紙寫稿佬﹑文字販子﹑叫獸磚家﹐就梗係借個勢抽個水﹐消費一下議題﹐踩下人抬高下自己gala﹖
      come on﹐果班人每寫一個字都有五毫到一蚊﹐陶傑仲兩蚊隻字﹐大學D講師教授﹐就成七餅一個月﹐你叫班磚家學者叫獸落區﹐同阿伯打牙跤呀﹖你無病呀嘛﹖

      又﹐實際上可以借題發揮而又有機會有得改的﹐只係雙非問題!
      150個單程證無可能變!
      自由行更無奶油因為有幾個客抱住個細路係街邊疴個尿﹐就話要取消!
      新移民要唔打工食綜援﹐起碼要住夠七年﹔到住夠七年囉﹐本身就已經係永久居民﹐如果班友可以鑽到罅食綜援﹐其他香港土炮一樣食到...
      防止濫用綜援﹐本來就係社福署問題﹐土炮定新移民都有人呃綜援!正如當年南亞海嘯揭發兩條友呃綜援﹐果兩丁友就係土炮!
      至於有D罅﹐例如扮思覺失調食綜援呢類位﹐社福署定醫院都搞唔掂wor﹖
      正如﹕有條友走去青山話自己有幻聽﹐以而家醫學水平﹐你憑乜話條友講大話﹐查實無幻聽先﹖

      好啦﹐單係講雙非啦﹐CY今次立即出來執雞﹐炒下雙非議題﹐大叫當選後會提呈釋法或者修法﹐解決雙非問題

      DAB同民主黨呢﹐亦立即出來抽水﹐話要修改基本法﹐取消雙非有居港權。

      先不論CY有無機做凸手﹐即使佢真係做到凸手﹐阿爺都話過以前釋過法唔會再釋﹐一切都係終審法院係莊豐源案判錯﹔修法係普通法邏輯的產品﹐阿爺既然覺得終院自己判錯﹐更加無奶油因為終院判錯而修法...你認為CY真係做到D乜﹖
      唐唐呢次就醒啦﹐唔掂呢壇混水。煲呔則被逼出下曾四招﹐但所謂打擊雙非﹐來來去去都係打緊衝關咋嘛﹖
      其他有預約嘅雙非﹐牽涉香港眾多私家醫院收入﹐如果真係雙非無居港權﹐香港D私家醫院無左條大水喉﹐到時點先﹖

      所以話﹐走入群眾有春用咩﹖如果你話D怨氣係來自上面果堆問題的話﹐撇除當中有好多係sterotype同bias﹐堆問題根本唔拆得﹐亦無得拆。問題無得拆﹐疏導乜春怨氣先﹖

      刪除
    4. //又﹐實際上可以借題發揮而又有機會有得改的﹐只係雙非問題!//

      - 一矢中的。

      刪除
  15. < 好 當我看漏眼 >

    其實你答案亦講左原因。

    香港唔贊成不勞而獲,亦唔喜歡洗腦教育,你自己去找下資料,咁你才可真正明白香港,多學才有進步。唔如問我,亦唔使信我。去問佢地啦。

    去問佢地啦

    香港人只喜歡馬照跑,舞照跳,唔會咁無聊研究邊個係多數邊個係少數。嘈當然令個個反蝗了。正如我講,我唔當陳雲先生係正常人,但批評佢的亦唔正常得去邊。

    我都唔知屋企人為乜唔撐圍頭話同客家,可能因任白卦。但同樣道理,我唔會問啦。不過佢地好多都唔在了,你想問都唔得。

    回覆刪除
    回覆
    1. 匿名君﹐

      首先﹐如果來來去去都係你﹐就作個筆名啦﹖作個筆名好辛苦咩﹖網上一日九萬幾個匿名﹐鬼知邊個係你呀﹖

      其次﹐你真係好趣緻﹐王子佢係質疑你﹐認為所謂撐粵撐繁並唔係反蝗主因。頂多呢﹐有人借呢次反蝗﹐借題發揮講下撐粵撐繁﹐但查實無乜人理!

      你要上網拎個撐粵語case﹐你都唔好搞笑到拎個2010年gala﹖家陣2012gala!
      早排先有人鬧汪洋出爾反爾﹐省政府出個新規定﹐要廣東D電視台用普通話廣播﹐你要拎呢都拎上年年尾呢單啦﹖
      不過你就算拎﹐都無用啦﹐根本唔關事~~
      香港政府家陣有無話要TVB改用普通話廣播﹐又無人話要廢除繁體逼人學簡體﹐你嘈乜春呀你﹖

      至於繁簡體問題呢﹐我見你連簡化字同簡體字都未識分﹐對中國漢字簡化歷史又唔多曉﹐你仲好意思叫人多學先有進步﹖呢下真係好生鬼吓啦~~

      仲有呢﹐王子寫嘅粵語口語﹐查實係全用(或多用)正寫﹐你又識幾多啊﹖例如﹕佢寫成渠﹐你知唔知典故又出自邊呀﹖

      仲有呢﹐當TVB個新聞部仲成日低低能能﹐桿菌讀「趕菌」﹐調查讀「掉查」﹐咄咄逼人讀成「嘟嘟」逼人﹐何文匯叫人讀返反切音已經夠弱智gala﹐但無線仲痴線﹐唔知「趕菌」又算係乜春反切音呀﹖

      你話仲捍衛乜春粵語呀﹖返屋企打winning好過啦你!

      至於最搞笑嘅係呢句
      「我唔當陳雲先生係正常人,但批評佢的亦唔正常得去邊」
      (a)你「唔當陳雲先生係正常人」呢句﹐本身已經係一個批評
      (b)我假定「批評佢的亦唔正常得去邊」呢句成立
      ----------------------------------------------------
      結論﹕你唔正常得去邊
      入境處呼籲﹕如身體不適﹐請及早就醫
      OK﹐收工。

      刪除
    2. 你好似搞錯左,我地係討論反蝗原因,無人話今次反蝗原因!

      我亦唔係靠佢來討論繁體廣東話,你為乜唔去問佢地?

      我話當唔當正正係反蝗原因之一,你又想點?

      刪除
    3. 匿名君
      你開始語無倫次...
      咩叫「討論反蝗原因,無人話今次反蝗原因」﹖
      我同情地理解你呢句說話
      我地係討論緊反蝗成因(點解會反蝗)
      但撐粵撐繁又唔係反蝗成因...即係點﹖
      其次﹐你句唔係「靠佢來討論繁體廣東話」﹐個佢係邊個﹖
      其三﹐乜叫「當唔當正正係反蝗原因之一」﹖
      大佬﹐你講說話無頭無尾﹐你想點就真啊!!

      刪除
    4. 你答覆咪講了反蝗答案!你理解能力好低,要多多跟王先生學習。

      整件事就係咁,有人當今次反雙非係反蝗,但亦有人唔係咁諗;就算乜係蝗,亦唔會有答案。

      反蝗以前有以前原因,今日亦有今日原因;蝗有以前的蝗,亦有現在的蝗,有乜出奇?


      我講的咪係其中原因:

      分清左,咁中美衝突時,我地咪可獨善其身。你無啦啦又講乜唇亡齒寒。

      呢個亦係原因:

      有無自由行,香港人都唔喜酒店同 sales 呢類人啦,你似乎唔知?。佢地死都唔知幾多人開心。你睇得香港人太齊心了。

      刪除
    5. 匿名Feb 11, 2012 03:18 AM
      正如我講,「取消簡體,用回繁體」係大勢所趨,你的答覆已經講左香港人今天反蝗的原因了。
      匿名Feb 11, 2012 02:56 AM
      香港人要背住供樓呢個擔之外,亦肩付著保衛粵語同繁體字的責任,怨氣又怎可能少?
      匿名Feb 11, 2012 10:45 AM
      〔我更加未聽聞今次反內地人既原因係反簡字〕
      你肯定?如果係咁的話:咁同問何不食肉糜有乜分別?不過你可自己 search 下呢方面資料。
      我唔睇陳雲先生,只係聽過下佢大名。但我唔睇都大約知佢講的野。
      其實醫院好多講普通話的人好多年前已發生了,特別係急症室。只係一直以來好多人都啞忍,到今天終於要發火了。
      學校以前亦禁用簡體,睇黎呢個火頭好快亦會燃起了。


      我簡略講講立場....
      正簡字抗爭唔係今次反內地人既原因
      仔細小小 應該話係只限文字上既抗爭
      我講過 討論文字會係投射
      投射既就係反中共政府
      同埋 香港人無你想像中恁偉大
      因為渠地唔重視外邦中文(雅稱) 中共中文既問題
      以小見大 渠地唔多會討論呢尐問題
      就算會關注 都只會係少數(陳雲 你 等等)
      更何況 討論正簡 唔一定係為徂文化保存恁簡單
      仲有政治目的–反中共政府
      香港文化不受重視 大家都知
      街頭小食 小販 舊區 連最近既新光戲院
      咩一回事 有眼睼 文化唔係用錢就買到 要累積
      唔好諗住建西九文化區就話香港重視文化
      當然 我或者無講中你個目的 因為你未必僅僅為徂文化保存而談正簡字
      我辛苦尐 頭先講埋文化
      你講到香港人會重視正簡字
      但又唔講明討論既人多唔多 我當然要問啦
      而且 討論當中 會唔會有人為徂政治而論
      減下減下 真正為文化保存而談 唔多
      但係你又講到好多人因正簡字而發火
      我當然再問啦 渠地發火 係為政治定係文化
      經一輪推理 我得知 渠地係為政治而討論
      阿媽係女生 難道女生是阿媽?
      正簡字係政治問題 內地孕婦等問題係政治問題
      正簡字係文化問題 內地孕婦等問題係文化問題
      難道兩者就可以一齊相提並論
      說實句話 發生徂恁多事
      我真係唔知今次反蝗問題中
      可以同正簡字討論相干
      今次到我反問你 你search下
      何處有人會為今次事件而再引起正簡字討論
      就算有 我唔見得討論會同今次問題相干.....
      個尐或者係政治討論 投射 發牢騷
      我發言既原因:指出真正目的 同埋 叫你唔好亂加原因
      我係年紀輕 高中生邏輯 都唔好恁逼我啊.....
      拳賽打極你都唔訓 我好難唔畫公仔畫出腸
      一拳定音喎.....
      ps:文少哥哥T口T
      我係小子 唔係王子啊.....orz
      題外話:「香港人只喜歡馬照跑,舞照跳,唔會咁無聊研究邊個係多數邊個係少數。嘈當然令個個反蝗了。」未有論據,我點搞.... 更何況,我證明徂 少數人為正簡字抗爭
      大部份人唔一定會吶喊助威 渠地唔重視 就算嘈 都只係投射 未必為徂文化保存 發火既真正目的:投射中共政府
      再者 你講到好似香港好多人都為正簡字而嘈 我當然要問人數啦.....

      刪除
  16. 又唔係打仗,怎會絕水絕糧?做唔成夫妻都可做朋友啦。香港人反日但咪一樣用日本電器,作為香港人都不知?

    而且都未聽過有數百萬人咁死法,咁嚴重的事咪重慘過德國對付猶太人,香港穩如泰山啦。

    現在美國重回亞洲,中美泠戰貿易戰一觸即發,咁反蝗都可以令香港人獨善其身。咁中美衝突時香港咪可坐享其成,香港人都唔知幾聰明。

    回覆刪除
    回覆
    1. 大哥呀﹐你個反字係咩定義㗎﹖
      定係其實你係講日本﹐「反」字當個「仮」字呀你﹖
      你又要反人﹐又阿爺當你朋友呀﹖
      唔好講阿爺啦...你試下兜口兜面鬧到個老友一面屁﹐睇下佢嬲唔嬲你呀﹖
      至於斷水斷糧呢﹐你真係kai少陣當幫忙﹐得唔得﹖
      家陣係大陸供水比香港呀﹐唔係香港買唔買東江水都大把水用啊!
      你無神神扯去講乜春納粹逼害猶太﹐又係搞笑﹕大陸有咩義務一定要賣東江水比香港先﹖
      香港自己無水﹐咪搞海水化淡囉﹖整多幾十個水塘囉﹖水費貴多好多倍咋嘛﹖

      最後你話乜春「中美泠戰貿易戰一觸即發,反蝗都可以令香港人獨善其身」﹐我都唔知點回你啦...

      我真係想問你﹐你幾多歲呀你﹖
      就算初中中一生﹐都聽過香港係entrepôt呀嘛﹖
      香港大陸係呢個位係唇寒齒亡㗎﹐獨善其身﹖
      你個腦咩構造㗎﹖

      刪除
    2. 你有無經歷過 67 架?

      中蘇夠反面啦,現在唔見絕交。

      香港係避難港,係人都想有事避來香港啦。小朋友打老豆天經地義,老豆打仔被人笑到面黃啦。

      以前好多人靠日本電器,而好多國家都靠中東石油啦,擔心咁多,杞人憂天。

      刪除
    3. 講開水,香港係殖民地時用現在唔用大陸咪好無面。

      香港人話污穢大陸唔欽佢地都拿拿聲搞乾淨佢啦,得罪香港人無好下場。

      現在雙非咪又死死氣諗辦法。

      刪除
    4. //你有無經歷過 67 架?//
      關乜事﹖
      //中蘇夠反面啦,現在唔見絕交。//
      (1)中蘇當年唔止斷交﹐仲打過仗﹐唔識歷史返去睇
      (2)蘇聯已經解體十幾年﹐而家叫獨聯體﹐或叫俄羅斯聯邦
      //香港係避難港,係人都想有事避來香港啦。//
      (1)又關乜事﹖
      (2)香港抵壘政策取消幾十年﹐如果唔係你反乜蝗﹖
      (3)香港無做第一收容港十幾年啦﹐就算當年做第一收容港﹐都有甄別政策﹐否則點會有北漏洞拉﹖

      //小朋友打老豆天經地義,老豆打仔被人笑到面黃啦。//
      咩邏輯﹐我都廢事同你講三綱五常啦﹐儒家思想太深你唔會明
      我淨係講一句﹐老豆打仔我見得多﹐雖然而家會告瘧兒﹐但係仔打老豆﹐因住比雷劈㗎!

      //以前好多人靠日本電器,而好多國家都靠中東石油啦,擔心咁多,杞人憂天。//
      又係語無倫次﹐完全唔知你講乜春﹐我從無講過大陸會斷水斷糧﹐我淨係話香港連水糧都靠大陸入口﹐你話你仲反乜春蝗啊﹖
      又﹐其實你講果個反蝗係咩定義先﹖
      目標又係乜﹐你由頭到尾都無講過。
      我亦從來無話過反蝗合理唔合理﹐我淨係話所謂反蝗係得啖笑﹐無可能﹑無聊兼無謂。
      不論係反對自由行來港呀﹐反對老尖老旺老銅開太多金鋪藥房名牌旗艦店﹐定係反雙非﹐定係鬧新移民走罅食綜援(事實上未住夠七年根本無得食綜援﹐夠七年就係永久居民)﹐都係不切實際。

      刪除
    5. //講開水,香港係殖民地時用現在唔用大陸咪好無面。//
      又咩邏輯來㗎﹖你試下香港鬧獨立啊﹐何止斷水呀﹖解放軍出城添啊!(雖然可能性係零)

      //香港人話污穢大陸唔欽佢地都拿拿聲搞乾淨佢啦,得罪香港人無好下場。//
      唔好講香港人啦﹐你有停過唔用東江水咩﹖你扭開個水嚨頭D水﹐有無東江水溝左幾多東江水﹐你知呀﹖

      //現在雙非咪又死死氣諗辦法。//
      諗乜辦法呀﹖
      而家話打雙非﹐係打衝關咋!
      係公立醫院唔受雙非(兼單非)預約咋!
      係打擊違反逗留條件嘅屈蛇孕婦
      合法有預約來港產子﹐打乜春呀﹖
      你查實知唔知咩叫雙非問題㗎﹖匿名小朋友
      你究竟知唔知雙非有居港權﹐背後個法律依據㗎﹖
      之前D人嘈要釋法修法﹐又係基本法邊條呀﹖

      我開始覺得...自己似同個膠登仔傾偈。
      王sir﹐我早提過你啦﹐寧得罪kai子﹐莫得罪膠登啊!!!

      刪除
    6. 原來連 67都未經歷過,咁要多讀歷史同多了解香港啦。打完仗兩個咪又無事,即係無所謂啦。我地靠日本電器生存,反日都未驚過啦,人地都無義務賣電器畀香港人。

      現在乜年代?香港人好現實,有著數就做。現在打落水狗唐英年,咪一樣無面畀。根本香港人就係咁,仔打老豆個個都幫手添。紙老虎香港人會怕咩?

      乜獨物獨又係唔關我事,你去問陳雲先生。我無乜登那些人咁叻,你要同佢地討論你咪去那裏。

      簡單講,搵食搵食,香港人食野,你唔好走過來阻住,唔好叫佢地分邊個岩邊個唔岩,亦唔好叫佢地分邊個係蝗邊個係雙非。你阻住佢地食野一定 XYZ你啦,話之你係陳雲定係高小姐。

      不過作為香港人,當然亦明白好多人的苦況,所以就算唔伸手去幫都唔會笑佢地咁冷血。

      刪除
  17. 醒下啦本來係香港人形容大陸人,你好似用錯左。香港人最現實,刷下你鞋有乜所謂?話之你係大陸人定印度人。

    大陸人落來香港搶的咪奶粉呢類野,睇廣告幫襯那些店咪只係那些連鎖店,有乜靚野?整靚野的人一早轉左行或退左休了;好多野都變左夕陽行業啦。

    所以用蝗形容數量多但無腦都算有幽默感。

    有無自由行,香港人都唔喜酒店同 sales 呢類人啦,你似乎唔知?。佢地死都唔知幾多人開心。你睇得香港人太齊心了。

    上大陸睇蝗蟲,落香港睇狗,各取所需,都唔知幾多人叫好。

    回覆刪除
    回覆
    1. 我真係從未聽過「醒下啦本來係香港人形容大陸人」

      我以前見有D老表索茄索到OD咗﹐我都會兜巴車埋去﹐之後叫佢「醒下啦!」
      又﹐當你講法成立﹐香港人大陸人位置早就互調咗啦﹖
      回歸前你只會聽過香港人跑去外國掃LV﹐今晚我係老銅就見到個貌似范冰冰嘅北妹﹐問我邊處有LV...
      條女個波仲好鬼大﹐你話我點反得落蝗㗎﹖(爆)

      刪除
  18. 俗語有話:「一粒老鼠屎搞壞一鍋粥」和所謂「害群之馬」,都是反映了雖然少數不能夠代表全部,但卻也足以影響了對整個群體的觀感。

    回覆刪除
    回覆
    1. 神州大兄回歸啦﹐真正戲碼開鑼!

      所以我才說這不過是sterotype﹐問題係一樣米養百樣人﹐你好難保證一個群體唔出現你口中的「害群之馬」

      正如有D外國人覺得﹐好多香港人去到邊「好嘈」一樣﹐我當你係個沉默寡言之一﹐但你都無可能叫其他香港人唔好搭住火車大大聲講電話一樣(在日本﹐係公眾地方講電話是「不顧別人感受」的行為)

      其次﹐如果係講部份大陸人公德意識問題﹐其實公德意識是公民教育和城市化底下的產物。基本上來說﹐公德意識跟那個人的教育水平掛勾﹐而且公德意識本身是有「城鄉差距」的。

      如果借部份大陸人公德意識薄弱﹐扯到去話要取消自由行﹐你覺得說得通嘛﹖

      其實我最有興趣的﹐反而是部份香港人對所謂公德意識的想當然﹐這其實某程度反映﹐香港由政府機器推動的公德洗腦教育﹐是蠻成功的。
      其實我就真係唔明﹐香港人點解咁習慣排隊﹐而又咁鍾意排隊的。
      問題是﹐點解我地作為顧客﹐面對供求失衡現象﹐我們竟復從於供應者的要求﹐以先到先得方式去選擇排隊﹐而且愚蠢地相信﹐相信可以透過排隊便必然獲得資源的分配。

      刪除
    2. 不妨也可以比較一下世界各地各民族的所謂「公德意識」:
      日本嘅大和民族即使是地震死人冧樓後等待分配救災物資時都好有秩序排隊等待,而另一些非洲國家在分配救災物資時則會出現打鬥爭奪,好打嘅就拿多些;
      而大陸的中華民族則慣常用較為「文明」的方法:「走後門」「拉關係」或者打尖,
      所以,如果有人「而且愚蠢地相信﹐相信可以透過排隊便必然獲得資源的分配」喺大陸係行唔通嘅。
      因此,「其實我就真係唔明﹐香港人點解咁習慣排隊﹐而又咁鍾意排隊的」,這種「公德意識」可能只是適用於香港(或者日本),但就不太適用於大陸(或者是非洲某些國家)。

      順便一提,不久前剛在美加等地走了一趟坐了幾迴飛機,一次在美國國內航機上,竟也遇上「蝗蟲」:那是在我剛剛要把手提行李放進座椅上方的行李架內之際,一位坐在附近的亞洲人(沒有問他是哪個國家的,只是聽到他講手機時說的是普通話),卻在我正要把行李放入前的0.1秒裡搶先把他自己的行李塞了進去。
      那真是不能不令人想起「蝗蟲論」,其實那時還有一些別的行李架是有空位的,但他卻似乎是本能地以「手快有手慢冇」的熟練打尖動作「搶」得我座位上方的那個位。
      當時整個機艙百多位乘客只有大約5-6位是亞洲人面孔的,其餘都是非亞洲面孔。美國在一些人的眼中被視為是「霸權」,但機上眾多的美國人卻沒有出現「霸位」現象,反而在比例少於5%的亞洲面孔裡卻竟然有霸位的「蝗蟲」,真是本來想不相信有「民族性」的,但都不幸遇上了「一粒老鼠屎」。

      刪除
    3. 我質疑公德背後的功能﹐你又跳返講你果套
      你再次證明﹐一個人的思想﹐真係好難跳出固有的思想範式。

      刪除
    4. 那麼「你果套」是否又「跳出固有的思想範式」了呢?
      (其實無論是「你果套」還是「我果套」,離開了社會的現實就是虛偽的一套。)

      刪除
    5. 你質疑公德背後的功能是什麼,與一個社會的公德好與壞所反映出來的生活在那個社會裡的人的公德心(或行為)有什麼關係?
      換句話說,一個沒有公德(或公德很差)的社會,能否找只「代罪羔羊」,歸罪於「公德背後的功能」,從而就可以免受批評?

      發現你這種經常「顧左右而言他」的「古滑」習性才真正是「你再次證明﹐一個人的思想﹐真係好難跳出固有的思想範式。」

      刪除
    6. //問題是﹐點解我地作為顧客﹐面對供求失衡現象﹐我們竟復從於供應者的要求﹐以先到先得方式去選擇排隊﹐而且愚蠢地相信﹐相信可以透過排隊便必然獲得資源的分配。//

      你而家至識得咁諗遲唔遲啲呀,大陸老早就識得用「走後門」「拉關係」嚟代替排隊gala,排隊果啲係傻佬嚟咖咋。

      刪除
  19. 文少,
    為乜反雙非? D客唔係喜歡起雙飛麼? --zpdrmn

    回覆刪除